Kalittokai

((Originally extracted from master file ^KALI.OCP))
((Last updated on 2004 April 14th))

• {KALI 60-1} cuṇaṅku aṇi vaṉa mulai cuṭar koṇṭa naṟu nutal
• {KALI 60-2} maṇam kamaḻ naṟum kōtai māri vīḻ irum kūntal
• {KALI 60-3} nuṇaṅku eḻil oḷ titti nuḻai noci maṭa maruṅkul
• {KALI 60-4} vaṇaṅku iṟai vari muṉkai vari ārnta alkulāy
• {KALI 60-5} kaṇ ārnta nalattarai katumeṉa kaṇṭavarkku
• {KALI 60-6} uḷ niṉṟa nōy mika uyir eñcu tuyar ceytal
• {KALI 60-7} peṇ aṉṟu puṉai iḻāy eṉa kūṟi toḻūum toḻutu ē
• {KALI 60-8} kaṇ um nīr āka naṭuṅkiṉaṉ iṉ nakāy
• {KALI 60-9} eṉ ceytāṉ kol ō iḵtu ottaṉ taṉ kaṇ
• {KALI 60-10} poru kaḷiṟu aṉṉa takai cāmpi uḷ uḷ
• {KALI 60-11} urukuvāṉ pōlum uṭaintu
• {KALI 60-12} teruviṉ kaṇ kāraṇam iṉṟi kalaṅkuvār kaṇṭu nī
• {KALI 60-13} vāraṇavāci patam peyarttal ētila
• {KALI 60-14} nī niṉ mēl koḷvatu evaṉ
• {KALI 60-15} alar mulai āy iḻai nallāy katumeṉa
• {KALI 60-16} pēr amar uṇ kaṇ niṉ tōḻi uṟīiya
• {KALI 60-17} ār añar evvam uyir vāṅkum
• {KALI 60-18} maṟṟu i nōy tīrum maruntu aruḷāy oḷ toṭī
• {KALI 60-19} niṉ mukam kāṇum maruntiṉēṉ eṉṉumāl
• {KALI 60-20} niṉ mukam tāṉ peṟiṉ allatu koṉ ē
• {KALI 60-21} maruntu piṟitu yātu um illēl tiruntu iḻāy
• {KALI 60-22} eṉ ceyvām kol iṉi nām
• {KALI 60-23} poṉ ceyvām
• {KALI 60-24} āṟu vilaṅki teruviṉ kaṇ niṉṟu oruvaṉ
• {KALI 60-25} kūṟum col vāy eṉa koṇṭu ataṉ paṇpu uṇarām
• {KALI 60-26} tēṟal eḷitu eṉpām nām
• {KALI 60-27} oruvaṉ cām āṟu eḷitu eṉpām maṟṟu
• {KALI 60-28} ciṟitu āṅku ē māṇā ūr ampal alariṉ alarka eṉa
• {KALI 60-29} nāṇ um niṟai um nayappu il piṟappu ili
• {KALI 60-30} pūṇ ākam nōkki imaiyāṉ nayantu nam
• {KALI 60-31} kēṇmai viruppuṟṟavaṉai etir niṉṟu
• {KALI 60-32} nāṇ aṭa peyartta nayavaravu iṉṟu ē